Tre persona mbetën të plagosur pas mesnate në Deçan, pas të shtënave me armë zjarri në një lokal. Policia është njoftuar më 13.01.2026 rreth orës 00:18 dhe, sipas njoftimit zyrtar, në vendin e ngjarjes janë gjetur tre persona të lënduar nga arma e zjarrit, të cilët janë dërguar fillimisht në QMF dhe më pas në Emergjencën e Spitalit të Pejës për trajtim.
Sipas raportimeve, në mesin e të plagosurve është një avokat dhe dy persona të nacionalitetit serb. Ndërkohë, burime të storm• bëjnë me dije se avokati i plagosur është Daut Cacaj, ndërsa personi që dyshohet se ka përdorur armën është Ismet Zukaj nga fshati Beleg i komunës së Deçanit. Sipas të njëjtave burime, deri te përdorimi i armës dyshohet se ka ardhur si pasojë e një mosmarrëveshjeje për motive pronësore.
Policia ka njoftuar se i dyshuari është arrestuar (pas ndërhyrjes në vendin e ngjarjes) dhe, me vendim të prokurorit të shtetit, është dërguar në mbajtje për 48 orë. Po ashtu janë sekuestruar një armë, një karikator dhe 9 fishekë, ndërsa hetimet janë në zhvillim për sqarimin e plotë të rrethanave dhe motivit.
Shënim: Identitetet e personave (avokatit dhe të dyshuarit) dhe motivi pronësor janë të raportuara nga burime jozyrtare/storm• dhe mbeten për t’u konfirmuar zyrtarisht nga autoritetet.
Si për t’ia “prishur” raportimin kryeprokurores së Pejës: edhe një tjetër tentim-vrasje në rajon!
