Ministri i Mbrojtjes së Koresë së Jugut jep dorëheqjen për shkak të dekretit për Ligjin Ushtarak
storm•/Kore e Jugut: Presidenti Yoon Suk Yeol pranoi dorëheqjen e Kim Yong-hyun, i cili deklaroi se e konsideronte veten përgjegjës për vendimin jetëshkurtër për të shpallur ligjin ushtarak.
Presidenti i Koresë së Jugut, Yoon Suk Yeol, njoftoi të enjten se kishte pranuar dorëheqjen e ministrit të tij të mbrojtjes, i pari anëtar i kabinetit të zotit Yoon që humb vendin e punës pas shpalljes jetëshkurtër të ligjit ushtarak të martën në mbrëmje, që tronditi vendin.
Ministri i Mbrojtjes, Kim Yong-hyun, kishte paraqitur dorëheqjen e tij të mërkurën, duke thënë se e konsideronte veten përgjegjës për krizën që krijoi dekreti për ligjin ushtarak për qeverinë e presidentit Yoon. Ai nuk i adresoi drejtpërdrejt akuzat e ngritura nga ligjvënësit opozitarë dhe media lokale se ishte ai që sugjeroi idenë te presidenti Yoon.
Një deklaratë nga zyra presidenciale tha se Kim do të zëvendësohet nga Choi Byung Hyuk, një gjeneral i pensionuar i ushtrisë, i cili aktualisht shërben si ambasador i Koresë së Jugut në Arabinë Saudite.
Zoti Yoon e tërhoqi shpalljen e ligjit ushtarak herët të mërkurën në mëngjes, pasi Asambleja Kombëtare votoi njëzëri kundër tij dhe protestuesit u mblodhën për ta dënuar këtë veprim. Ligjvënësit opozitarë më pas paraqitën një mocion për shkarkimin e Yoon, i cili mund të votohet që të premten.
Ky është një lajm në zhvillim…
