Deri më tani janë publikuar disa raporte që flasin për disa prej të dhënave për serinë e ardhshme të Galaxy S25.
Një kompani që merret me shitjen me pakicë të telefonave të Samsung në Finlandë, ka dhënë disa detaje të reja, duke zbuluar jo vetëm ngjyrat, por edhe opsionet e ruajtjes dhe kutitë e ndryshme të Samsung.
Samsung Galaxy S25 me ngjyrë vanilje do të vijë me 128 GB ose 256 GB memorie.
Mund të vij me një përmirësim në RAM memorie, por nuk do ketë një përmirësim të hapësirës ruajtëse.
Sa i përket Galaxy S25+, ai do të jetë i disponueshëm në kapacitetin prej 256 GB dhe 512 GB, ndërsa Galaxy S25 Ultra do të ketë gjithashtu një opsion prej 1 TB.
Ka pasur informacionet që telefonat më të mëdhenj të kenë opsione RAM 16 GB, por shitësi me pakicë e hoqi këtë informacion.
Mbështjellja për versionin Ultra do të bëhet nga titani, ndërsa dy modelet tjera me shumë gjasë do të qëndrojnë me mbështjellësin Armor Aluminum.
Megjithëse në Finlandë kompania me pakicë që i ofroi këto informacione nuk ka dhënë detaje se sa do të kushtojnë tri modelet e versionit Galaxy, në Suedinë fqinje çmimet e telefonave Galaxy S25 pritet të jenë të njëjta me modelin përkatës S24.
