“Dimri i hershëm” po mbërrin: Kriza energjetike i tregon shenjat e para në Kosovë – ndërprerjet e shpeshta dhe faturat e larta nxisin zemërimin e qytetarëve
Me hyrjen në vjeshtë, që po ndihet si një dimër i parakohshëm, ankesat për mungesën e energjisë po shtohen çdo ditë. Përveç ndërprerjeve të shpeshta, qytetarët po përballen edhe me faturat e larta të energjisë, të cilat po shkaktojnë pakënaqësi të mëdha.
Ndërkohë që ndërprerjet justifikohen si “çkyçje për shkak të mos pagesës, apo edhe se ka ndërhyrje për riparime”, qytetarët ndihen të zhgënjyer dhe të braktisur nga institucionet.
Vetëvendosje, partia në pushtet, e cila dikur akuzonte qeveritë e kaluara për çmimet e larta të energjisë, gjatë ditëve të para të qeverisjes deklaronte se qytetarët e Kosovës e paguanin më lirë energjinë elektrike se të gjithë në rajonin e ballkanit. Megjithatë, situata aktuale tregon një realitet të ndryshëm, ku kriza energjetike po thellohet dhe qytetarët po përballen me vështirësi të mëdha në mbulimin e shpenzimeve dhe në sigurimin e furnizimit të qëndrueshëm me energji.
Ndërprerjet e vazhdueshme dhe faturat e papërballueshme janë kthyer në shqetësimin kryesor të qytetarëve, të cilët ndihen të pashpresë për dimrin që po vjen, shenjat e para nuk janë të mira, thonë ata.
by: Storm-rks
