Dy persona kanë mbetur të vdekur si pasojë e të shtënave me armë zjarri të mërkurën në mbrëmje në qytetin e Klinës.
I dyshuari është arrestuar nga Policia e Kosovës, teksa sipas raportimeve të Indeksonline, i dyshuari është Adrian Hoti i moshës 21-vjeçare.
Hoti thuhet se është djali i ish-kandidatit të LDK-së për kryetar të Klinës, Besim Hoti nga fshati Jashanicë.
Lajmi në lidhje me këtë ngjarje tragjike është konfirmuar edhe nga Policia e Kosovës.
Rreth orës 17:17 stacioni policor në Klinë është njoftuar se në një lokal, në sheshin “Mujë Krasniqi”, në Klinë, ka të shtëna me armë zjarri.
Policia edhe ambulanca kanë dalë në vendin e ngjarjes dhe mjeku kujdestar ka konstatuar vdekjen e një personi në vendin e ngjarjes dhe një tjetri në gjendje të rëndë shëndetësore dhe është dërguar në Spitalin e Pejës, ka thënë Gashi.
