Drilon Islami është larguar nga futbolli kosovar. Mesfushori kualitativ do ta vazhdojë karrierën në Rumani.
Klubi i atjeshëm, CFR Cluj e ka zyrtarizuar sot transferimin e futbollistit të deridjeshëm të FC Prishtinës.
- Advertisement -
“Njihuni me transferimin e dytë të verës. Duke filluar nga sot, Drilon Islami është mesfushori ynë i ri. Të urojmë mirëseardhje, Drilon dhe shumë suksese me CFR Cluj”, njoftoi klubi rumun.
24 vjeçari kështu i dha fund eksperiencës dyvjeçare tek FC Prishtina, ku luajti me mjaft sukses, ndërsa së fundmi e fitoi Kupën e Kosovës me Bardhekaltrit.
- Advertisement -
Ai ka luajtur edhe për Dritën dhe Ferizajn në të kaluarën.
