Këngëtarja e njohur Dua Lipa ka ndarë me ndjekësit e saj librin e preferuar për muajin prill: “Jerusalem” nga Jez Butterworth.
Në një postim të veçantë, Dua rrëfen se e ka lexuar për herë të parë këtë vepër në moshën 15-vjeçare gjatë përgatitjeve për provimet e Anglishtes dhe se personazhi kryesor, Johnny “Rooster” Byron, e ka shoqëruar që atëherë. Ajo tregon se shfaqja teatrale e rolit nga aktori legjendar Mark Rylance në vitin 2022 përmbushi çdo pritshmëri të saj, shkruan KultPlus.
“Rooster është një ish-adrenalinist që jeton në një karvan në fshatin anglez, duke shpërndarë alkool, droga dhe histori të mëdha për adoleshentët e zonës,” shkruan Dua. Ajo shton se, megjithë kaosin dhe komedinë, ka një pjesë më të trishtë: Rooster është një shpirt i egër dhe i pavarur, që nuk përshtatet me rregullat e zyrtarëve dhe jetën e përditshme të provincës.
Dua thekson se ajo e pëlqen veprën sepse “është kaq e gjallë në faqe sa edhe në skenë”, duke kombinuar folklorin anglez me momente bashkëkohore dhe dialoge të gjalla, që e bëjnë librin një përvojë argëtuese, komike dhe emocionuese.
Këngëtarja e përfundon rekomandimin duke inkurajuar ndjekësit të zbulojnë vetë këtë dramë: “Është qesharake, tragjike dhe një kujtesë e shkëlqyer se leximi i dramave nuk është vetëm për shkollë.”
