Policia ka njoftuar se rreth orës 17:00 në rrugën Faruk Rama në Prishtinë, një punëtor ka humbur jetën, derisa tjetri ka pësuar lëndime.
Sipas zëdhënëses së policisë për rajonin e Prishtinës, Flora Ahmeti, bëri të ditur se personi i lënduar është dërguar për tretman mjekësor.
“Rreth orës 17:00 kemi pranuar informatën se dy persona janë lënduar derisa ishin duke punuar, në rrugën Faruk Rama në Prishtinë. Si pasojë e lëndimeve, njëri nga personat ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor”, ka thënë Ahmeti.
Tutje ka njoftuar se aktualisht policia në koordinim me inspektorët e punës dhe prokurorinë, kanë nisur hetimin e rrethanave që karakterizojnë rastin.
