Drejtori i Institutit të Kosovës për Drejtësi (IKD), Ehat Miftaraj, e ka cilësuar si të padrejtë dhe veprim të ulët politik vendimin e Albin Kurtit dhe LVV-së për ta dërguar vendin në zgjedhje të parakohshme.
Miftaraj u shpreh se opozita nuk mban përgjegjësi për këtë krizë pasi me 43 deputetë ishte e pafuqishme përballë një pushteti që kontrollon 66 ulëse dhe të gjithë mekanizmat e shtetit.
Ai akuzoi drejtpërdrejt udhëheqjen aktuale për vendosjen e egoizmit personal dhe “urrejtjes patologjike për hakmarrje” mbi nevojat dhe hallet reale të qytetarëve të Kosovës.
Sipas juristit, kjo lëvizje është një “përdhosje perfide” e votës masive popullore të vitit 2021, duke pyetur publikisht se pse kërkohet vota e popullit nëse ajo më pas dhunohet për interesa të ngushta partiake.
