Mediat italiane kanë njoftuar se Napoli e ka identifikuar Edon Zhegrovën si pasardhësin ideal të Khvicha Kvaratskhelias, pasi ylli gjeorgjian shkoi në Paris Saint-Germain në janar.
Ekipi kishte shfaqur interesim për sulmuesin kosovar gjatë afatit kalimtar të dimrit, por Lille nuk deshi ta shesë 25-vjeçarin në mes të sezonit.
Megjithatë, Zhegrova raportohet se është i hapur për një transferim, duke bërë me dije se dy klubet potencialisht do t’i vazhdojnë bisedimet për transferim javëve në vijim, ka raportuar media italiane “Corriere dello Sport”.
Menaxheri i Napolit, Antonio Conte thuhet se është në veçanti i interesuar për Zhegrovën, dhe për këtë shkak drejtori sportiv i klubit, Giovanni Manna, po punon aktivisht për arritjen e marrëveshjes.
Lille pritet të kërkojë rreth 25 milionë euro për yllin kosovar.
