Zbardhen detajet tronditëse të fundit të jetës së Virginia Giuffre – Familjarët thyejnë heshtjen në vilën 1.9 milionëshe
Detaje të reja kanë dalë në dritë lidhur me momentet e fundit të Virginia Giuffre, e cila u gjet pa shenja jete në një fermë në Neergabby, Australi Perëndimore.
Giuffre, 41 vjeçe, një nga viktimat më të njohura të rrjetit të abuzimit seksual të Jeffrey Epstein dhe bashkëpunëtores së tij Ghislaine Maxwell, dyshohet se i dha fund jetës së saj të premten mbrëma. Policia australiane ka konfirmuar se vdekja nuk konsiderohet e dyshimtë.
Familjarët dhe miqtë e afërt u panë duke vizituar rezidencën luksoze të saj në Perth, një vilë bregdetare me vlerë 1.9 milionë dollarë, pak orë pas tragjedisë.
Në një deklaratë publike, familja e saj tha:
“Virginia ishte një luftëtare e pamëshirshme kundër abuzimit dhe trafikimit seksual. Dhimbja që mbarti gjatë jetës u bë e papërballueshme.”
Vëllai i saj, Danny Wilson, publikoi një homazh prekës në Facebook, duke ndarë një fotografi me motrën dhe vëllain tjetër të tyre.
Virginia Giuffre, e cila u trafikuar që në adoleshencë nga Epstein dhe Maxwell, kishte akuzuar publikisht Princin Andrew për abuzim seksual kur ishte vetëm 17 vjeçe – akuza që princi i mohoi, por që përfunduan me një marrëveshje jashtëgjyqësore në vitin 2022.
Giuffre, e lindur në Florida, jetonte në Australi që nga viti 2019. Së fundmi kishte postuar fotografi nga një spital, duke njoftuar se pas një aksidenti të rëndë automobilistik kishte pësuar dështim të veshkave dhe i ishin dhënë vetëm disa ditë jetë nga mjekët.
Vetëm tri ditë pas asaj fotografie dramatike, jeta e saj u shua tragjikisht.
E mbijetuara e Epstein, e mposhtur nga dhimbja, i dha fund jetës.
