Burime të “storm.” kanë bërë të ditur se kazani ka qenë i planifikuar të ndalet qysh para një jave, por askush nuk e di pse është shtyrë deri në këtë moment.
Madje burimi në fjalë ka bërë të ditur se zjarri tek kazani, i cili mban mbi 600 litra ujë që shërben për ftohjen e njërit bllok të termocentralit, ka rreth 24 orë që ka shpërthyer, por nuk dihet pse ekipet e zjarrfikësve nuk kanë reaguar.
Ky kazan ftoh me ujë Bllokun 4 të Termocentralit Kosova A.
Fillimisht ka qenë deputeti i PDK-së, Ferat Shala, i cili ka publikuar një video, e cila sipas tij është bërë tek kazani.
“Eksplodim i kazanit “bojleri i Albinit”, në Termocentralin Kosova A, Blloku A4. Kjo i shkon për shtati mafisë energjetike, sepse tash na duhet import i energjisë!”, ka shkruar Shala në videon e bashkëngjitur.
