Sot mbahet seanca gjyqësore për Masakrën e Reçakut – 18 serbë të akuzuar për krime lufte
📠Prishtinë – Sot zhvillohet seanca gjyqësore për Masakrën e Reçakut, ngjarja që tronditi botën dhe çoi në ndërhyrjen e SHBA-së, NATO-s dhe komunitetit ndërkombëtar kundër regjimit serb.
Një hetim i veçantë (PPP.S: 50/21) ka çuar në ngritjen e akuzave kundër 18 shtetasve serbë, të dyshuar për krime lufte kundër popullsisë civile në Kosovë.
Në këtë proces gjyqësor pritet të dëshmojë William Walker, ish-shefi i Misionit të OSBE-së, i cili ishte dëshmitar kyç i masakrës që tronditi opinionin ndërkombëtar.
🔹 Gjykatësi: Vesel Ismajli (Departamenti Special)
🔹 Prokurori: Ilir Morina (Prokuroria Speciale)
26 vjet më parë, më 15 janar 1999, forcat serbe ekzekutuan 45 civilë shqiptarë në fshatin Reçak, një akt që u cilësua si gjenocid dhe që nxiti ndërhyrjen e NATO-s kundër regjimit të Millosheviqit.
Seanca e sotme pritet të sjellë dëshmi të rëndësishme dhe të hedhë dritë mbi një nga ngjarjet më të errëta të historisë së Kosovës.
