Organizata e Veteranëve të Luftës së UÇK-së ka deklaruar se po i sheh me shqetësim raportimet se Dhomat e Specializuara të Kosovës po vlerësojnë pronat e ish-udhëheqësve të UÇK-së.
OVL-UÇK-së ka thënë edhe se, ky veprim braktis maturinë gjyqësore dhe krijon përshtypjen e një sistemi që nxiton drejt ndëshkimit para se të arrijë në një vendim.
Ndryshe, më herët u raportua nga Klan Kosova se Gjykata Speciale është duke grumbulluar të dhëna mbi pronat dhe pasurinë e tyre e ish-krerëve të UÇK-së.
Reagimi i plotë i OVL – UÇK-së:
OVL UÇK, i sheh me shqetësim të thellë dhe indinjatë të fortë raportimet se Dhomat e Specializuara të Kosovës po vlerësojnë pronat e ish-udhëheqësve të UÇK-së.
Vlerësimi i këtyre pasurive nuk është thjesht një hap procedural.
Përkundrazi, ky veprim braktis maturinë gjyqësore dhe krijon përshtypjen e një sistemi që nxiton drejt ndëshkimit para se të arrijë në një vendim.
Veprime të tilla godasin drejtpërdrejt parimin e prezumimit të pafajësisë, ndërsa gërryejnë besimin e publikut në paanshmërinë dhe drejtësinë e gjykatës.
