VAZHDOHET PARABURGIMI NDAJ VALMIR SHEQIRIT – SEANCË NË GJYKATËN E KRIMEVE TË RËNDA PËR RASTIN TRAGJIK NË LAKRISHTE
Prishtinë – Në Gjykatën Themelore të Prishtinës, konkretisht në Departamentin për Krime të Rënda, sot është zhvilluar seanca vendimtare lidhur me masën e paraburgimit për të dyshuarin në rastin që ka tronditur opinionin publik – vdekjen tragjike të një vajze në lagjen Lakrishte.
Rasti, që është kualifikuar si “vdekje e dyshimtë” dhe ligjërisht po trajtohet si “shtytje në vetëvrasje”, ka çuar në arrestimin e Valmir Sheqirit, i cili fillimisht ishte ndaluar për 48 orë, por sot gjykata ka vendosur që ndaj tij të vazhdohet masa e paraburgimit për edhe 30 ditë të tjera.
Në këtë seancë, Avokati i të pandehurit, z. Eset Berisha, ka folur ekskluzivisht për storm•, duke theksuar ndjeshmërinë e thellë të rastit dhe duke kërkuar që publiku dhe media të tregojnë kujdes e durim deri në zbardhjen e plotë të të gjitha provave.
🗣️ “Ky është një rast shumë i ndjeshëm, që prek rëndë të dyja familjet – atë të të ndjerës dhe të të pandehurit. Askush nuk duhet të nxiton me konkluzione. Le të presim procesin ligjor, faktet, provat dhe përballjen e argumenteve në mënyrë të drejtë dhe ligjore,” – u shpreh avokati Berisha për storm•.
📹 Ndiqeni videon më poshtë për të dëgjuar deklaratën e plotë të avokatit Berisha lidhur me zhvillimet në këtë seancë gjyqësore.
