Në Qendrën e Numërimit dhe Rezultateve (QNR) po vazhdon procesi i numërimit të fletëvotimeve që i përkasin votimit jashtë Kosovës, respektivisht votimit përmes postës.
Zëdhënësi i Komisionit Qendror të Zgjedhjeve, Valmir Elezi, njoftoi se nga pasdita e ditës së shtunë e deri në mesnatë janë numëruar gjithsej 19 kuti votimi, brenda të cilave ndodhen pakot me fletëvotime që deri më tani kanë arritur në Kosovë.
- Advertisement -
“Fletëvotimet e numëruara u takojnë komunave: Deçan (4), Gjakovë (6), Gllogoc (2), Gjilan (7) dhe Mitrovicë e Jugut (2/5)”, tha ai.
Ai theksoi se procesi i numërimit në QNR po vazhdon sipas komunave dhe në përputhje me procedurat e përcaktuara nga KQZ.
