“Do të kemi rezultate pozitive” – Enver Haliti zbulon lëvizjet e Kurtit për të shmangur zgjedhjet

Deputeti i Lëvizjes Vetëvendosje, Enver Haliti, ka deklaruar se brenda afatit kushtetues prej 34 ditësh do të arrihet zgjedhja e Presidentit, duke paralajmëruar ftesa të reja nga kryeministri Kurti për opozitën.

Haliti ka theksuar se pas aktgjykimit të Gjykatës Kushtetuese, partitë opozitare nuk kanë më asnjë arsye për të refuzuar takimet me kreun e qeverisë.

Sipas deputetit të LVV-së, qëllimi i këtyre ftesave është arritja e një marrëveshjeje politike që do t’i kursente vendit shkuarjen në zgjedhje të jashtëzakonshme.

Ndonëse ftesat e kaluara u refuzuan me arsyetimin e pritjes së vendimit të gjykatës, a do të ulen këtë herë liderët opozitarë në tryezën e bisedimeve???