Enver Petrovci është një nga figurat më të shquara të teatrit dhe kinematografisë shqiptare. I lindur më 28 shkurt 1954 në Prishtinë, ai u bë një emër i njohur jo vetëm në Kosovë, por edhe më gjerë, falë talentit të tij të jashtëzakonshëm dhe përkushtimit ndaj artit.
Studimet për aktrim i kreu në Fakultetin e Arteve Dramatike në Beograd, ku u dallua për paraqitjet e tij të fuqishme skenike. Gjatë karrierës së tij, Petrovci ka interpretuar në dhjetëra role teatrore dhe filmike, duke sjellë në skenë dhe ekran një gamë të gjerë emocionesh dhe karakteresh. Ndër rolet më të njohura është ai i Hamletit, i cili mbetet një nga interpretimet më të vlerësuara në teatrin shqiptar.
Përveç si aktor, Enver Petrovci ka dhënë kontribut të madh edhe si regjisor, skenarist dhe pedagog, duke formuar breza të rinj artistësh në Kosovë. Ai është themelues i Teatrit Dodona në Prishtinë, një institucion që luajti një rol kyç në zhvillimin e skenës teatrore pasluftës.
Po ashtu, Petrovci ishte njëri nga themeluesit dhe profesorët e parë të degës së Artit Dramatik në Fakultetit të Arteve në Universitetin e Prishtinës.
Me një karrierë që i ka rezistuar kohës, Enver Petrovci mbetet simbol i kulturës dhe artit shqiptar, një njeri që me punën dhe pasionin e tij ka lënë gjurmë të thella në historinë e aktrimit.
Enver Petrovci ndërroi jetë më 22 shtator 2025, në moshën 71-vjeçare, duke lënë pas një trashëgimi të çmuar artistike.
