Mesfushori 21-vjeçar, Etnik Brruti, nuk është përfshirë në listën e Kombëtares A të Shqipërisë, por ka marrë ftesë nga përfaqësuesja U21 për dy miqësore që do të zhvillohen në muajin shtator.
Brruti, i cili u pajis me pasaportë shqiptare disa muaj më parë, ishte ftuar nga trajneri i Kombëtares A, Silvinho, për ndeshjet e muajit mars ndaj Anglisë dhe Andorës, por nuk u aktivizua në asnjërën prej tyre.
- Advertisement -
Debutimi i tij zyrtar me kuqezinjtë ndodhi në qershor, në përballjen e U21 me Hungarinë, ku më pas luajti edhe në miqësoren ndaj Turqisë U21.
