Komediani Jeff Wittek ka zbuluar së fundmi se ai kishte marrë pjesë në një nga festat e supozuara të organizuara nga reperi amerikan Diddy, e quajtur “Freak Off” – të cilat janë bërë pjesë e një rasti federal të hetimit për trafikim seksual.
Komediani tha se ishte 20 vjeç kur mori pjesë në këtë festë dhe se kishte parë njerëz që bënin seks në një rezidencë në Miami.
Sipas Wittek, ai mori pjesë në “festën e seksit të të brendshmeve” rreth vitit 2010 pasi kishte marrë një ftesë përmes një të njohuri, i cili kishte filmuar një video muzikore me reperin amerikan.
“Këto festat e Diddy-t janë të çmendura. Janë festat më të mira. Njerëzit donin të shkonin në to”.
Ngjarjet e supozuara të festës së reperit dhe të emëruara si “Freak Off”, janë në qendër të një hetimi federal ndaj tij.
Ai u arrestua në Nju Jork më 16 shtator me akuzën e mashtrimit, trafikut seksual dhe transportit për t’u përfshirë në prostitucion.
