Zafir Berisha ka dal me një status në rrjetet sociale duke zbuluar se një nga personat që po festonin me “kusia” fitoren e Albin Kurtit, e njihte qysh nga viti 1998, në mërgim.
Berisha ka shkruar se e kishte ftuar personin në fjalë që t’i përgjigjej luftës, por ky i fundit kishte thënë se kishte problem me zemrën dhe e kishte refuzuar bashkëngjitjes së UÇK-së.
Tutje Zafa ka treguar se ishte befasuar kur pas 27 vitesh, e kishte parë të njëjtin person shëndosh e mirë, me zemër të “shëruar”, duke festuar për Kurtin.
Postimi i plotë:
Rastësisht pashë disa video ku disa “patriotë” të ardhur nga Perëndimi festonin me “kusia”, për fitoren babait e tyre.
Sinqerisht, u shqetësova për shëndetin e tyre mendor dhe mendova me vete: a thua ende ka njerzë të këtij niveli në shoqërinë tonë?
Kulmi i komedisë ishte kur pashë njërin, që nuk i kishte mbetur asnjë dhëmbë në gojë, duke bërtitur “baba, baba”.
Të njëjtit njeri e kisha njohur në vitin 1998, kur unë isha mërgimtar dhe ndjeva obligim moral e kombëtar t’i përgjigjem luftës për lirinë e Kosovës, ai thoshte se ishte i sëmurë nga zemra.
Sot, pas 27 vitesh, del shëndosh si “kollomoq” vetëm se zemra i qenka shëruar mrekullisht, ndërsa ka mendja paska rrëshqit pak, dhe me vones kish ardhën me “çliru” Kosovën me grykën e “kusis”!
