Figurat kryesore të vrara në operacionet e Izraelit kundër Hezbollah-ve dhe Hamas-it

Storm/Izrael: Sasia e informacioneve që Izraeli ka për Hezbollahun është e jashtëzakonshme. Disa analistë spekulojnë – edhe pse kjo nuk është e konfirmuar – se ushtria izraelite mund të ketë shënjestruar një takim të Këshillit Shura për të konfirmuar Hashem Safieddine si sekretarin e ardhshëm të përgjithshëm.

Izraelitët duket se e posedojnë një listë të pafundme objektivash. Është pothuajse sikur i kanë shënuar vet personat. Ata e dinë se ku ndodhen dhe në çfarë kohe. Është e qartë se Izraeli shumë e ka të infiltruar sistemin e inteligjencës brenda Libanit dhe Gazas e deri dikund edhe Iranit.

Duket se Hezbollahu nuk mund t’i shpëtojë syve që Izraeli ka mbi të. Na mbetet të presim dhe të shohim.

Izraelitët nuk kanë thënë asgjë. Zakonisht ata përpiqen të konfirmojnë që objektivi i tyre është eliminuar, gjë që natyrisht kërkon kohë.

Që nga 7 tetori, disa udhëheqës dhe komandantë ushtarakë janë vrarë në operacione të kryera nga forcat izraelite.
Vrasjet janë pjesë e një fushate të vazhdueshme të Izraelit për të eliminuar udhëheqësit e grupeve të mbështetura nga Irani, si Hezbollah dhe Hamas dhe për të dobësuar sa më shumë që të jetë e mundur komanden dhe strategjinë e këtyre grupeve.