Ka filluar rinumërimi i fletëvotimeve nga 50 vendvotime të rregullta nga zgjedhjet parlamentare të 9 shkurtit, ka njoftuar Komisioni Qendror i Zgjedhjeve.
KQZ ka deklaruar se rinumërimi po bëhet për shkak të mospërputhjeve të numrit të nënshkrimeve në Listën e Votuesve dhe numrin e fletëvotimeve brenda kutive në vendvotime.
KQZ-ja ka marrë vendim për rinumërim të 15 vendvotimeve nga komuna të ndryshme të Kosovës, e po ashtu edhe rinumërim të plotë të fletëvotimeve për subjektet politike dhe kandidatë na 35 vendvotime.
Sipas Komisionit Qendror të Zgjedhjeve, ekzistojnë mospërputhje të rezultateve, e këto vendvotime i takojnë komunës së Vushtrrisë.
“Procesi i rinumërimit po zhvillohet në prezencë të vëzhguesve të akredituar”, thuhet në njoftimin e KQZ-së.
