Një lajm i bujshëm në lidhje me fituesin e “Topit të Artë” vjen në këto momente nga Spanja.
Kishte ditë që mediat iberike e kishin marrë si të sigurtë fitoren e Vinicius, por drejtuesit e Realit të Madridit nuk janë nisur për në Paris dhe për këtë arsye gjithçka sugjeron që një lojtar madrilen nuk do të fitojë.
Renditja përfundimtare, sipas disa gazetarëve spanjollë, do të shihte Rodri (Manchester City) të fitonte përpara Vinicius dhe Bellingham (Real Madrid).
Këto informacione duket se kanë ndikuar që Real Madrid të anuloj pjesëmarrjen e delegacionit të tij në ceremoninë e “Topit të Artë”.
Sot ishte planifikuar që një avion me 50 delegatë të nisej drejt Parisit në orën 15:00, për të marrë pjesë në këtë ceremoni ku shumë prej madrilenëve pritej të ishin protagonistë me çmime.
