Një person është gjetur pa shenja jete të mërkurën në Obiliq. Në raportin 24 orësh të Policisë, thuhet se në vendin e ngjarjes është sekuestruar një pistoletë me katër fishekë, ndërsa rasti u iniciua si “Hetim i vdekjes”.
“Është raportuar se viktima mashkull kosovar në shtëpinë e tij ishte gjetur pa shenja jete. Në vendin e ngjarjes kanë dalë të gjitha njësitë relevante policore dhe ekipi mjekësor dhe nga mjeku është konstatuar vdekja e viktimës. Nga njësitë policore është sekuestruar një pistoletë me 4 copë fishekë”, thuhet në njoftim.
- Advertisement -
Bëhet e ditur se me urdhër të prokurorit, trupi i pajetë i viktimës është dërguar në IML për obduksion, ndërsa rasti është duke u hetuar.
