Von der Leyen forcon kontrollin në Komisionin Evropian me strukturë të re “përqaj dhe sundo”
Storm/Bruksel: Presidentja e Komisionit Evropian, Ursula von der Leyen, ka projektuar ekipin e saj për mandatin e dytë për të konsoliduar pushtetin e saj në institucionet evropiane për pesë vitet e ardhshme. Duke krijuar një strukturë komplekse me mbivendosje të portofolëve të komisionerëve, ajo synon të forcojë kontrollin e saj mbi politikat e Komisionit.
Sipas një burimi nga Komisioni Evropian, ndërtimi i këtij ekipi ka qenë një proces i komplikuar, dhe ndërsa duket kaotik në letër, kjo strukturë reflekton nevojën për koordinim më të madh ndërmjet komisionerëve për çështje kyçe si klima, tregtia dhe teknologjia.
Von der Leyen ka emëruar gjashtë nënkryetarë ekzekutivë që do të udhëheqin grupe specifike komisionerësh, me Valdis Dombrovskis dhe Maroš Šefčovič që mbeten figura kyçe, edhe pse janë degraduar nga pozitat e tyre të mëparshme të nënkryetarëve. Ky zhvillim shihet nga kritikët si një përpjekje për të transformuar Komisionin në një zyrë presidenciale.
Megjithatë, ky model është pritur me skepticizëm nga diplomatët evropianë, duke u quajtur një “strategji ndarje dhe sundimi” që mund të krijojë konfuzion në Komision, por gjithashtu mund të japë hapësirë për Von der Leyen që të ketë një rol më të madh në politikat kyçe kur ajo të dëshirojë.
