Zëdhënësja e Dhomave të Specializuara të Kosovës (DhSK) në Hagë, Angela Griep, sot në një konferencë për media, ka folur në lidhje me kushtet e paraburgimit për të akuzuarit nga Specialja.
“Javët e fundit ka pasur komente në lidhje me kushtet e paraburgimit. Dua të shfrytëzoj rastin të sqaroj se objekti i paraburgimit i DHSK-së monitorohet nga Komiteti Ndërkombëtar i Kryqit të Kuq (NNKK), i cili kryen inspektime të rregullta, të palajmëruara dhe të pavarura në objektin e paraburgimit për të këqyrur respektimin nga njësia e paraburgimit të të drejtave të njeriut, së drejtës ndërkombëtare dhe të standardeve të pranuara të trajtimit”, ka thënë ajo.
Zëdhënësja e Dhomave të Specializuara të Kosovës (DhSK) në Hagë, Angela Griep
“Gjithashtu, edhe Avokati i Popullit i DHSK-së kryen inspektime të rregullta për mbikëqyrjen e kushteve të paraburgimit”, tha Griep, sot në një konferencë online për gazetarë.
