Gjykata Themelore në Prishtinë e ka refuzuar kërkesën e Prokurorisë për caktimin e paraburgimit për kryeinspektorin e Punës, Hekuran Nikçi dhe ushtruesit të detyrës së menaxherit në Njësinë për Menaxhimin e Burimeve Njerëzore, Naim Shalaku.
Kjo gjykatë ka vendosur që atyre t’i caktohet masa e arrestit shtëpiak.
- Advertisement -
Pas seancës, avokati i Nikçit, Arianit Koci ka deklaruar se klienti i tij po përballet me proces të padrejtë. Sipas tij, Nikçi nuk ka të bëjë me rastin për të cilin po hetohet.
Koci ka theksuar se ndaj masës së arrestit shtëpiak do të ankohet.
