Tri gra në krye të politikave të BE-së, përfshirë situaten me zgjerim të BE-së, Ballkanin dhe luftën e Rusisë kundër Ukrainës dhe sanksionet ndaj Rusisë
Bashkimi Evropian ka zyrtarizuar përbërjen e re të ekipit të Komisionit Evropian, ku tre gra do të luajnë një rol kyç në përcaktimin e politikave të BE-së, përfshirë ato që lidhen me Ballkanin. Ish-kryeministrja e Estonisë, Kaja Kallas, e njohur si “zonja e hekurt,” dhe ish-ambasadorja e Sllovenisë, Marta Kos, janë emëruar në pozita të rëndësishme brenda institucionit më të fuqishëm të BE-së.
Kaja Kallas do të marrë postin e Përfaqësueses së Lartë të BE-së për Politikën e Jashtme, ndërsa Marta Kos do të jetë në krye të Zgjerimit të BE-së. Këto emërime ngrejnë pyetje për ndikimin që mund të kenë mbi Ballkanin, veçanërisht në dialogun midis Kosovës dhe Serbisë. Analistët besojnë se dy zyrtaret e reja do të ndikojnë ndjeshëm në drejtimin që do të marrë politika e jashtme e BE-së, ndërsa Kos pritet të rrisë përpjekjet për zgjerimin e BE-së, me fokus të veçantë në Ballkanin Perëndimor.
Një tjetër çështje që pritet të rikthehet në fokusin kryesor janë sanksionet ndaj Rusisë, një temë që ka humbur vëmendjen kohët e fundit, por që Marta Kos synon ta rivendosë në agjendën kryesore të BE-së. Këto zhvillime mund të jenë veçanërisht të rëndësishme për Kosovën dhe rajonin, pasi marrëdhëniet me BE-në dhe progresi i dialogut me Serbinë mund të ndikohen nga qasjet dhe strategjitë e reja të ekipit të ri të Komisionit Evropian.
by: Storm-rks + portalet e BE-së
