WASHINGTON – Një njoftim i papritur i Presidentit Donald Trump të dielën mbrëma ka shkaktuar një “tërmet” në botën e artit dhe politikës në SHBA. Trump njoftoi mbylljen e menjëhershme të Kennedy Center (tashmë Trump Kennedy Center) për një periudhë dyvjeçare, duke nisur nga 4 korriku, për shkak të rikonstruksioneve masive.
Në qendër të kësaj stuhie ndodhet Richard Grenell, ish-emisari special për dialogun Kosovë-Serbi, i cili aktualisht shërben si President i këtij institucioni. Ndonëse Grenell e ka cilësuar lëvizjen si “vizionare”, realiteti brenda qendrës duket katastrofik.
Grenell njofton stafin përmes emailit pas “Truth Social” Sipas dokumenteve të siguruara, stafi i Kennedy Center e mori vesh lajmin vetëm përmes rrjeteve sociale të Trump. Një orë më vonë, ishte vetë Richard Grenell ai që u dërgoi një email punonjësve, duke konfirmuar mbylljen e operacioneve dhe duke lënë pikëpyetje të mëdha mbi fatin e vendeve të tyre të punës.
“Ne e kuptojmë se kjo krijon shumë pyetje… do të kemi më shumë informacion mbi personelin në ditët në vijim,” shkroi Grenell në mesazhin e tij të shkurtër, i cili u interpretua nga shumë si një paralajmërim për shkurtime masive.
Krizë apo strategji? Ndërsa Trump thotë se po përdor mermerin dhe çelikun e vjetër për të ndërtuar diçka “të bukur dhe të re” me një kosto prej 200 milionë dollarësh, kritikët dhe punonjësit janë skeptikë. Disa thonë se kjo është një krizë e krijuar qëllimisht nga Trump dhe Grenell për të shmangur bojkotet e artistëve dhe rënien e shitjeve të biletave.
Nga ana tjetër, senatorët demokratë kanë nisur një hetim ndaj Grenellit, duke e akuzuar atë për “favoritizëm, mbetje dhe përfitime personale” në krye të institucionit.
