storm•/Zgjedhjet2025: Hajdar Beqa, kandidat për deputet nga radhët e Partisë Demokratike të Kosovës, zhvilloi një takim të ngrohtë e frymëzues me gratë demokrate në Gjakovë, duke shpalosur vizionin e tij për një qeverisje gjithëpërfshirëse dhe progresive.
Në këtë aktivitet, u theksua roli i rëndësishëm i grave në jetën politike dhe institucionale, një model që tashmë PDK-ja e ka aplikuar me sukses në nivel kombëtar dhe lokal. Gratë gjakovare janë një shembull i shkëlqyer i përkushtimit dhe përgjegjësisë së lartë në pozitat vendimmarrëse, duke kontribuar drejtpërdrejt në përmirësimin e shoqërisë.
Hajdar Beqa e përmbylli takimin duke vlerësuar gratë si forca kryesore e ndryshimit dhe zhvillimit: “Gratë janë ato që shkrijnë barrierat dhe hapin rrugë për brezat e ardhshëm. Sa më shumë gra në politikë, aq më e fortë dhe më e drejtë bëhet shoqëria jonë.”
Ky takim, i shoqëruar nga entuziazmi dhe përkrahja e grave, konfirmon vizionin e Hajdar Beqës për një të ardhme ku çdo qytetar, pa dallim, ka zërin dhe rolin e tij në vendimmarrje.
