Fondacioni Hajde! në bashkëpunim me Instituti Sekhmet organizon edicionin e dytë të Grand Art Studios – “Hajde me tepru”, ekspozita përmbyllëse e rezidencës artistike që do të mbahet në Grand Hotel Prishtina.
Ekspozita sjell punët e artisteve dhe artistëve Ana Morina, Zgjim Zyba dhe Adnit Hoxha, nën kurimin e Anyla Kabashi, transmeton KultPlus.
Ky edicion reflekton mbi kolektivitetin si gjendje dhe si proces, duke shqyrtuar mënyrën se si sinjalet qarkullojnë mes trupave, si përvoja ruhet në materiale dhe si hapësirat e përbashkëta formësojnë afrimin apo ndarjen mes njerëzve. Përmes filmit, instalacionit dhe pikturës, ekspozita hulumton inteligjencën kolektive, kujtesën e luftës dhe historitë queer të Grand Hotelit, duke propozuar forma të reja të bashkëveprimit dhe përgjegjësisë së përbashkët.
Hapja e ekspozitës do të mbahet më 6 mars, në katin e gjashtë të Grand Hotel Prishtina, me fillim nga ora 19:30.
