Kryetari i Partisë Demokratike të Kosovës, Bedri Hamza, tha se në takimin e sotëm me kryeministrin Albin Kurti, ia ka bërë atij një “ofertë të fundit”, që president i vendit të zgjidhet dikush i propozuar nga PDK-ja.
Hamza tha në një konferencë për media se në Lëvizjen Vetëvendosje nesër do ta mbajnë një mbledhje, por shtoi se Kurti e ka paralajmëruar se nëse PDK-ja do ta propozojë një emër, edhe ata do ta propozojnë një kandidat.
“Zoti Kurti, ata e kanë nesër Këshillin e Përgjithshëm dhe sipas asaj që kemi biseduar, kanë kërkesë që po qe se PDK-ja e propozon një kandidat, të vijë një kandidat i propozuar edhe nga radhët e Lëvizjes Vetëvendosje dhe në këtë rast dihet përfundimi dhe cili është rezultati i votimit”, tha ai.
Hamza tha se oferta e sotme ishte” “mundësi konkrete dhe e fundit për t’i shmangur zgjedhjet e re”.
Ai tha se “tani mbetet të shihet nëse shumica parlamentare dhe zoti Kurti do të reflektojnë me seriozitet për t’i shmangur vendit zgjedhjet e reja”.
Kurti-Hamza diskutojnë në Kuvend për procesin e zgjedhjes së presidentit
