Hamza në Tiranë takon Ramën për 28 Nëntor: Nderojmë trashëgiminë dhe punojmë për të ardhmen së bashku

Kandidati i Partisë Demokratike të Kosovës (PDK) për kryeministër, Badri Hamza, sot ka takuar Edi Ramën, Kryeministrin e Shqipërisë.

Takimi i Hamzës me Ramën është realizuar në prag të festës së 28 Nëntorit.

“Në Tiranë, takim me kryeministrin Edi Rama për festën e madhe të 28 Nëntorit. Qëndrojmë të bashkuar, siç kemi qenë gjithmonë, për ta nderuar trashëgiminë dhe për të punuar së bashku për të ardhmen tonë. Kur Kosova dhe Shqipëria janë mirë, #mamirë janë të gjithë shqiptarët, kudo që jetojnë!”, ka shkruar Hamza në profilin e tij në Facebook.