Kryetari i AAK-së, Ramush Haradinaj, në një paraqitje për media rreth orës 20:00, deklaroi se sipas të dhënave/informatave të tyre, AAK ka të konfirmuar rezultat rreth 8%, që sipas tij përkthehet në afërsisht 9 mandate në Kuvend.
Haradinaj kërkoi veprime të shpejta për krijimin e institucioneve pas zgjedhjeve dhe propozoi formimin e një “qeverie të opozitës”, duke i bërë ftesë LDK-së dhe PDK-së për marrëveshje. Ai tha se AAK “nuk qet kushte” dhe se është e gatshme të ndihmojë në një konfigurim opozitar.
