Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, Ramush Haradinaj tha se rezultati i zgjedhjeve të 9 shkurtit, për partinë e tij ishin shumë zhgënjyes.
Haradinaj në T7 tha se rezultatin e kanë përjetuar shumë rëndë, duke shtuar se nuk kanë besuar se do të mund të dalin nën 10 ose 12 për qind.
“Rezultati për mua është zhgënjyes, e kemi përjetu shumë rëndë. Asnjëherë nuk kemi besu që nën 10-12 për qind sdo të jemi. Kemi punu shumë, kanë punuar strukturat, ka qenë një punë e madhe. Tani pse është kështu? Përbesë pak vështirë. Muns të thuhet Kemi dal shumë përball kësaj qeverie, me një qasje direkte, me siguri edhe kundërgoditjet kanë qenë direkte ndaj nesh”, tha Haradinaj.
Kujtojmë se AAK në koalicion me Nisma dhe partitë e tjera, mori 62 mijë e 309 vota, ose 7.45 për qind.
