Kryetari i Aleanca për Ardhmërinë e Kosovës (AAK), Ramush Haradinaj, ka shprehur mbështetjen e tij për protestën e thirrur nga kategoritë e dala nga lufta e UÇK-së, duke kundërshtuar çdo përpjekje për, siç tha ai, shtrembërimin e së vërtetës së Luftës Çlirimtare.
Në një deklaratë publike, Haradinaj theksoi rëndësinë e ruajtjes së vlerave të luftës dhe sakrificës për liri, duke bërë thirrje për pjesëmarrje të gjerë në protestë.
- Advertisement -
Ai ftoi bashkëluftëtarët, familjarët e të rënëve dhe të gjithë qytetarët që të marrin pjesë në protestën që do të mbahet më 30 mars, në ora 13:00, para Kuvendi i Kosovës.
“Dalja në këtë protestë është një akt në mbrojtje të sakrificës sonë për liri dhe të së vërtetës historike”, thuhet në thirrjen e tij.
- Advertisement -
