Kryetari i Aleancës për Ardhmërinë e Kosovës, Ramush Haradinaj, ka vizituar kompaninë BBI Plast në Vushtrri, një nga storjet e suksesit të prodhimit vendor në Kosovë, ku prodhohen ambalazhe plastike me cilësi të lartë.
Gjatë vizitës, Haradinaj u njoftua nga afër me punën e përditshme të kompanisë, si dhe me sfidat me të cilat përballen prodhuesit vendorë.
Ai theksoi se bizneset vendore po përballen me barrë të lartë të faturave të energjisë elektrike, si pasojë e varësisë nga importi i rrymës, gjë që sipas tij po e vështirëson seriozisht konkurrueshmërinë e tyre në treg.
Postimi i plotë:
BI Plast nga Vushtrria është një tjetër storje suksesi e prodhimit vendor. Në këtë fabrikë prodhohen ambalazhe plastike me cilësi të lartë, duke kontribuar drejtpërdrejt në fuqizimin e ekonomisë sonë.
Gjatë vizitës në këtë kompani u njoftova nga afër me punën e tyre të përditshme, por edhe me sfidat me të cilat ata.
Si shumë biznese të tjera, edhe këta po përballen me barrën e faturave të larta të rrymës. Në vend që prodhimi vendor të mbrohet dhe të fuqizohet, ai sot po operon në kushte të pabarabarta dhe me kosto të larta që e vështirësojnë konkurrueshmërinë me tregjet rajonale.
Për këtë arsye, prodhuesve tanë u duhet një qasje tjetër ekonomike, që i mbështet dhe i lehtëson nga këto barriera.
Projektet strategjike që i kishim nisur më herët për garantimin e pavarësisë energjetike dhe zhvillimin ekonomik të vendit, përfshirë ndërtimin e termocentralit të ri dhe gazsjellësin amerikan, janë ndalur nga qeveria në largim. Këto projekte do të jenë prioritet që në ditët e para të qeverisjes së Ardian Gjinit.
