Kryetari i Aleancës për Ardhmërinë e Kosovës (AAK), Ramush Haradinaj, ka uruar besimtarët myslimanë me rastin e fillimit të muajit të shenjtë të Ramazanit.
Përmes një mesazhi urimi, Haradinaj ka theksuar se muaji i Ramazanit forcon ndjenjën e sakrificës, vetëpërmbajtjes, mëshirës, afrimit dhe faljes mes njerëzve, vlera që, sipas tij, shqiptarët i kanë mishëruar gjatë gjithë historisë së tyre.
Ai i ka uruar posaçërisht Myftiut të Kosovës, Naim Tërnava, Bashkësia Islame e Kosovës, si dhe të gjithë besimtarët myslimanë në Kosovë, diasporë dhe trojet shqiptare për fillimin e muajit të Ramazanit.
“Muaji i Ramazanit forcon ndjenjën e sakrificës, vetëpërmbajtjes, mëshirës, afrimit dhe faljes mes njerëzve, vlera këto me të cilat shqiptarët u mishëruan gjatë tërë historisë së tyre. Myftiun Naim Tërnava, Bashkësinë Islame të Kosovës dhe të gjithë besimtarët myslimanë në Kosovë, diasporë dhe trojet shqiptare, i uroj për fillimin e muajit të Ramazanit! Uroj që ky muaj të sjellë më shumë të mira shpirtërore, begati dhe mirëqenie. Agjërim të lehtë e të pranueshëm”, ka shkruar Haradinaj në “Facebook”.
