Ministrja në detyrë e Drejtësisë dhe kandidate e Lëvizjes Vetëvendosje (LVV) për kryetare të Kuvendit, Albulena Haxhiu, në një intervistë ekskluzive në “Debat Plus”, ka fajësuar opozitën e deritanishme për moskonstituimin e Kuvendit të Kosovës.
Ajo ka thënë se ish-opozita nuk ka votuar, ndërsa Lëvizja Vetëvendosje (LVV) nuk e ka bllokuar procesin.
“Nuk është vendim i mirë i deputetëve të Kuvendit të Republikës së Kosovës që nuk e konstituan… Vendimi i tyre që të shkojnë në seancë dhe të mos marrin pjesë në votim, mendoj që është vendim i gabuar”, tha ajo.
”Kam thënë edhe njëherë që ne kemi plot çështje për të cilat mund t’i bëjmë betejat tona, por të bësh betejë për konstituimin apo moskonstituimin e Kuvendit është vendim politikisht i gabuar”, tha Haxhiu.
