Policia e Kosovës ka njoftuar për dy raste të ndara të sulmit seksual, të raportuara në qytetet e Podujevës dhe Lipjanit, të cilat aktualisht janë duke u trajtuar nga organet e drejtësisë.
Rasti i parë është raportuar në Podujevë më 22 shtator 2025, ku viktima grua ka deklaruar se ishte ngacmuar seksualisht nga një i dyshuar. Pas hetimeve fillestare, sipas policisë të premten i dyshuari është intervistuar nga autoritetet dhe me vendim të prokurorit është liruar në procedurë të rregullt.
Një tjetër rast i rëndë është raportuar në Lipjan më 30 shtator 2025, ku një prind ka raportuar se vajza e tij e mitur dyshohet se është sulmuar seksualisht nga një tjetër i mitur.
Lidhur me këtë rast është njoftuar prokurori për të ndërmarrë veprimet e nevojshme ligjore dhe rasti është aktualisht nën hetime.
