storm•/Shqipëria: Ish-Presidenti dhe lideri i Partisë së Lirisë, Ilir Meta, edhe nga paraburgimi nuk e ndal betejën politike! Meta ka urdhëruar regjistrimin zyrtar të Partisë së Lirisë për zgjedhjet parlamentare të 11 Majit, duke e cilësuar këtë një sfidë vendimtare për të ardhmen e Shqipërisë.
Në një mesazh të fortë, ai paralajmëron një triumf masiv mbi “narkoshtetin” e Edi Ramës, duke u zotuar për një fitore të padiskutueshme të opozitës dhe përmbysjen e qeverisë aktuale, që sipas tij po rrënon vendin me korrupsion dhe varfëri.
Meta përmes eksponentëve të partisë, e quan këtë garë zgjedhore një moment historik, ku votat për Partinë e Lirisë dhe programin “5 Prioritete për 4 milion shqiptarë plus” do të shënojnë fundin e shpopullimit dhe varfërisë, duke e shndërruar Shqipërinë në një fuqi prodhuese dhe eksportuese.
“Fitorja është e pashmangshme! Është koha për ndryshimin historik dhe largimin e Narkoqeverisjes së Ramës, që po plaçkit dhe shkatërron vendin çdo ditë!” – deklaron Meta, transmetojnë zyrtarët e partisë së tij.
