Ministria e Mbrojtjes e Mbretërisë së Bashkuar ka publikuar një raport tronditës mbi humbjet e forcave ruse në luftën në Ukrainë, duke theksuar se që nga nisja e pushtimit në shkallë të plotë, Rusia ka humbur mbi 1.1 milion ushtarë të vrarë, plagosur, të zhdukur ose të kapur.
Vetëm gjatë vitit 2025, humbjet ruse vlerësohen në mbi 330 mijë, ndërsa të dhëna të rrjedhura nga dokumente të brendshme ruse dhe burime ukrainase sugjerojnë se numri real mund të jetë edhe më i lartë.
Raporti thekson se pavarësisht disa përparimeve taktike në vijën e frontit, Moska po paguan një çmim jashtëzakonisht të lartë njerëzor dhe material, me humbje që rivalizojnë fushatat më të përgjakshme të Luftës së Dytë Botërore.
Ekspertët ushtarakë paralajmërojnë se ky nivel humbjesh është i vështirë për t’u zëvendësuar dhe mund të ketë pasoja afatgjata për kapacitetet ushtarake dhe stabilitetin politik të Rusisë.
