Rënia e Empolit nga Serie A në atë B, ka vënë në dyshim qëndrimin e mëtejmë të mbrojtësit të kombëtares, Ardian Ismajli.
Sipas mediave italiane me shumë gjasa pritet që destinacioni i tij i radhës të mos jetë Italia, pasi Ismajlin po e kërkon Beshiktashi.
Përfundimi i kontratës me Empolin si dhe performanca e sezonit të fundit, bëjnë që të jetë ndër më të kërkuarit nga futbollistët kuqezi.
Napoli prej kohësh monitoronte situatën e Ismajlit, por nuk ia doli të konkretizojë diçka me Empolin, të paktën për momentin.
Rinovimi me Empolin është çështje e pamundur, pasi Ismajli e ka refuzuar prej kohësh.
Ndaj në këto kushte, një lëvizje e mbrojtësit kuqezi drejt Superligës turke nuk është një destinacion për t’u mos marrë në konsideratë.
Prej disa javësh skuadra e Besiktas është interesuar për Ismajlin, ndaj pritet që në ditët në vijim drejtuesit e klubit nga Stambolli të intesifikojnë kontaktet me agjentin e futbollistit.
Nëse ky transferim konkretizohet, atëherë Ismajli do të bashkohet me Ernest Muçin.
Sigurisht nëse ky i fundit nuk transferohet diku tjetër gjatë verës, duke qenë se edhe e ardhmja e fantazistit kuqezi duket për momentin të jetë e paqartë.
