Storm/Lindja e Mesme: Izraeli tha se ka vrarë “krahun e djathtë” të liderit të Hamasit, Yahya Sinwar.
Rawhi Mushtaha, kreu i qeverisë së Hamasit në Gaza, u vra së bashku me dy zyrtarë të tjerë të lartë, Sameh al-Siraj dhe Sami Oudeh në sulmet tre muaj më parë, njoftuan Forcat Mbrojtëse të Izraelit në një deklaratë.
Ata po “fshiheshin” në një kompleks nëntokësor që thuhet se përdorej nga udhëheqja e lartë në Rripin verior të Gazës, shtoi ai. Hamasi nuk njoftoi vdekjen e tyre pas sulmit për të “parandaluar humbjen e moralit dhe funksionimin e operativëve të tij terrorist”.
“Mushtaha ishte një nga operativët më të lartë të Hamasit dhe kishte një ndikim të drejtpërdrejtë në vendimet në lidhje me vendosjen e forcave të Hamasit,” tha IDF, duke e quajtur atë “krahu i djathtë i Sinwar-it dhe një nga bashkëpunëtorët e tij më të ngushtë”.
Në vitin 2015, Departamenti Amerikan i Shtetit e shpalli Mushtaha-n si një “terrorist specifik global”.
