Banori që u largua përfundimisht sonte nga shtëpia e Big Brother Vip Albania është Olsi.
Ai u kërkoi banorëve që të mos lëviznin nga studio, duke iu uruar të gjithëve sukses.
Gerta tha se ishte e befasishme dalja e tij, ani se ishte përpjekur që të ishte më aktiv.
Rozana tha se i kishte thënë Olsit që “këtu janë ardhur për të luajtur dhe nëse do të jesh pasiv do kalosh më herët ka porta dhe këtë e kam diskutuar me Olsin”.
Danja ishte e mërzitur nga dalja e Olsit, për të cilin tha se ishte shumë i kulturuar, por se loja është shumë e vështirë.
Ndryshe nga herët tjera, këtë javë të gjithë banorët ishin në televotim nga Vëllai i Madh si shenjë reflektimi për një komunikim më efektiv dhe të kujdesshëm mes banorëve.
Pas arritjes në studio, Olsi tha se kishte shumë dëshirë që të merrte pjesë, të ishte brenda dhe kur hyn aty tha se e ndjeu trysninë që kërkon se çka do të bësh.
“Gjëja që kuptova ishte që të mos isha vetvetja e këtë nuk mund ta bëja. Pjesa më e madhe e banorëve kanë krijuar një ide që si të hyn në Big të bësh e të thuash çka të duash vetëm vetja të mos jesh. Rozana nuk e ka gjetur vetveten. Laerti më ka surprizuar për të mirë. Qëllimi im ishte që të shkoj në finale”.
