Java që sapo ka nisur do të karakterizohet nga temperatura shumë të ulëta në të gjithë territorin e Kosovës.
Instituti Hidrometeorologjik i Kosovës njofton se pas reshjeve intensive që shënuan shifra rekorde ditëve të fundit, kushtet atmosferike janë stabilizuar, por vendi është përfshirë nga masa të ftohta ajrore.
Sipas parashikimeve, temperaturat minimale në orët e mëngjesit do të zbresin deri në -12 gradë Celsius, ndërsa ato maksimale gjatë ditës do të arrijnë deri në 7 gradë. Do të fryjë erë e lehtë deri mesatare nga veriperëndimi dhe juglindja, ndërsa mëngjeset do të shoqërohen me ngrica dhe në disa zona edhe me mjegull.
IHMK-ja ka apeluar për kujdes të shtuar, veçanërisht për drejtuesit e automjeteve, për shkak të rrugëve të rrëshqitshme dhe dukshmërisë së reduktuar.
Parashikimi:
E hënë: Mot kryesisht i vranët me intervale dielli. Temperaturat minimale nga -11 deri në -8°C, ndërsa maksimalet nga -5 deri në -1°C.
E martë: Mot i vranët, me temperatura minimale nga -12 deri në -7°C dhe maksimale nga -2 deri në 2°C.
E mërkurë: Mot kryesisht i vranët me kthjellime të herëpashershme. Temperaturat minimale nga -5 deri në -2°C, maksimalet nga 1 deri në 5°C.
E enjte: Mot i vranët me intervale dielli. Temperaturat minimale nga -5 deri në -1°C, maksimalet nga 3 deri në 7°C.
E premte: Mot i ngjashëm, kryesisht i vranët me intervale dielli. Temperaturat minimale deri në -5°C, ndërsa maksimalet rreth 7°C.
