Kadrijaj takohet me bashkatdhetarë në Treviso të Italisë, flasin për zgjedhjet e 9 shkurtit

Deputetja nga radhët e Aleancës për Ardhmërinë e Kosovës (AAK), Time Kadrijaj, ka njoftuar për një takim me bashkatdhetarë në Treviso të Italisë.

Ajo shkroi në një postim në profilin e saj në “Facebook” se “diaspora po mobilizohet për zgjedhjet e 9 shkurtit”.

“Altin Berisha, një djalë i ri e ka marrë përgjegjësinë e udhëheqjes së Aleancës në këtë qytet. Gjatë bashkëbisedimit fokusi i tyre ishte perspektiva e Kosovës, perspektiva evropiane dhe të gjitha çështjet tjera në interes të Kosovës dhe popullin e Kosovës. Diaspora po mobilizohet për zgjedhjet e 9 shkurtit. Na priftë e mbara AAK!”, shkroi Kadrijaj.