Kamioni i kompanisë “Bageri” përfshihet nga zjarri – S’dihet se a ka të lënduar

Kamion përfshihet nga flakët në Davidovc të Shtimes, intervenojnë zjarrfikësit

Një kamion është përfshirë nga flakët në fshatin Davidovc të komunës së Shtimes, raporton mediumi Storm.

Ende nuk dihen shkaqet që çuan në shpërthimin e zjarrit, ndërsa qytetarët nga vendi i ngjarjes kanë deklaruar se automjeti i djegur i përket kompanisë “Bageri”.

Në pamjet e siguruara nga vendi i ngjarjes, shihet prezenca e zjarrfikësve që janë duke u përpjekur ta vënë nën kontroll zjarrin dhe të parandalojnë përhapjen e mëtejme të tij.

Storm ka kontaktuar organet e rendit për të marrë më shumë informacion lidhur me incidentin dhe është në pritje të një përgjigjeje zyrtare. Deri më tani, nuk raportohet për të lënduar.