Agjencia Shtetërore e Kadastrës ka përfunduar procesin e regjistrimit dhe pajisjes me dokumentacion të rregullt pronësie të Katedrales së Shkodrës, një monument me vlera të veçanta historike, fetare dhe artistike.
Katedralja, e ndërtuar në vitin 1858 dhe e zbukuruar me afresket origjinale të piktorit Kol Idromeno në vitin 1911, përfaqëson një simbol të rëndësishëm për komunitetin katolik dhe për trashëgiminë kulturore shqiptare.
- Advertisement -
Sipas njoftimit të Kadastrës Shqiptare, me përfundimin e këtij procesi i hapet rrugë restaurimit, investimeve dhe mirëmbajtjes së mëtejshme të këtij objekti me rëndësi të veçantë historike dhe kulturore. /atsh
